Hanuman Chalisa Lyrics in Hindi

श्री हनुमान चालीसा 

श्रीगुरु चरन सरोज रज, निज मनु मुकुर सुधारी |

बरनौ रघुबर बिमल जसु, जो दायकू फल चारि||

बुध्दि हीन तनु जानिके सुमिरौ पवन कुमार |

बल बुध्दि विद्या देहु मोंही , हरहु कलेश विकार ||

चोपाई 

जय हनुमान ज्ञान गुन सागर |

जय कपीस तिहुं लोक उजागर ||

राम दूत अतुलित बल धामा |

अंजनी पुत्र पवन सुत नामा ||

महाबीर बिक्रम बजरंगी|

कुमति निवार सुमति के संगी ||

कंचन बरन बिराज सुबेसा |

कानन कुण्डल कुंचित केसा ||

हाथ वज्र औ ध्वजा विराजे|

काँधे मूंज जनेऊ साजे||

संकर सुवन केसरी नंदन |

तेज प्रताप महा जग बंदन||

विद्यावान गुनी अति चातुर |

राम काज करिबे को आतुर ||

प्रभु चरित्र सुनिबे को रसिया |

राम लखन सीता मन बसिया ||

सुकसम रूप धरी सियहि दिखावा |

बिकट रूप धरी लंक जरावा ||

भीम रूप धरी असुर संहारे |

रामचंद्र के काज संवारे ||

लाय संजीवनी लखन जियाये |

श्रीरघुवीर हरषि उर लाये ||

रघुपति कीन्हीं बहुत बड़ाn ई |

तुम मम प्रिय भरतहि सम भाई ||

सहस बदन तुम्हरो जस गावे |

अस कही श्रीपति कंठ लगावे ||

सनकादिक ब्रह्मादी मुनीसा|

नारद सारद सहित अहीसा ||

जम कुबेर दिगपाल जहा ते|

कबि कोबिद कही सके कहा ते||

तुम उपकार सुग्रीवहीं कीन्हा |

राम मिलाय राज पद दीन्हा ||

तुम्हरो मंत्र विभिषण माना |

लंकेश्वर भए सब जग जाना ||

जुग सहस्र योजन पर भानू |

लील्यो ताहि मधुर फल जाणू ||

प्रभु मुद्रिका मेली मुख माहीं|

जलधि लांघी गए अचरज नाहीं||

दुर्गम काज जगत के जेते |

सुगम अनुग्रह तुम्हरे तेते ||

राम दुआरे तुम रखवारे |

होत न आग्यां बिनु पैसारे ||

सब सुख लहै तुम्हारी सरना |

तुम रक्षक काहू को डरना ||

आपन तेज सम्हारो आपे |

तीनों लोक हांक ते काँपे ||

भुत पिशाच निकट नहिं आवे |

महावीर जब नाम सुनावे ||

नासै रोग हरे सब पीरा |

जपत निरंतर हनुमत बीरा ||

संकट से हनुमान छुडावे |

मन क्रम बचन ध्यान जो लावै||

सब पर राम तपस्वी राजा |

तिन के काज सकल तुम साजा ||

और मनोरथ जो कोई लावे |

सोई अमित जीवन फल पावे ||

चारों जुग प्रताप तुम्हारा |

है प्रसिद्ध जगत उजियारा ||

साधु संत के तुम रखवारे |

असुर निकंदन राम दुलारे ||

अष्ट सिद्धि नौनिधि के दाता |

अस बर दीन जानकी माता ||

राम रसायन तुम्हरे पासा |

सदा रहो रघुपति के दासा ||

तुम्हरे भजन राम को पावे |

जनम जनम के दुःख बिस्रावे ||

अंत काल रघुबर पुर जाई |

जहा जनम हरी भक्त कहाई ||

और देवता चित्त न धरई |

हनुमत सेई सर्व सुख करई||

संकट कटे मिटे सब पीरा |

जो सुमिरै हनुमत बलबीरा ||

जय जय जय हनुमान गोसाई |

कृपा करहु गुरु देव के नाइ ||

जो सत बार पाठ कर कोई |

छूटही बंदी महा सुख होई ||

जो यहे पढे हनुमान चालीसा |

होय सिद्धि साखी गौरीसा ||

तुलसीदास सदा हरी चेरा |

कीजै नाथ हृदये मह डेरा ||

दोहा -

पवन तनय संकट हरन, मंगल मूर्ति रूप |

राम लखन सीता सहित, ह्रुदय बसहु सुर भूप ||